നമ്മള്‍ വാങ്ങിക്കൊടുത്ത സ്ഥലത്തേക്ക്, നമ്മുടെ സഹായത്താല്‍ പണിത വീട്ടിലേക്ക് മുസ്തഫ താമസം മാറുകയാണ് ഏപ്രില്‍ 17 ന്. ഇത് നമ്മുടെ സന്തോഷമാണ്. നമ്മള്‍ ബൂലോകവാസികളുടെ സന്തോഷം.കൃത്യമായി പറഞ്ഞാല്‍ രണ്ടുവര്‍ഷം മുമ്പാണ് മുസ്തഫയുടെ വീടിനുവേണ്ടി തുടക്കം കുറിച്ചത്.
മരത്തില്‍ നിന്ന് വീണ് നട്ടെല്ലിന് ക്ഷതം പറ്റി, അരക്കു താഴെ ചലനമില്ലാതെ കിടപ്പിലായിപ്പോയ മുസ്തഫക്ക് വായന മാത്രമായിരുന്നു ആശ്വാസം. ഞാനെഴുതിയ ചന്ദനഗ്രാമം എന്ന പുസ്തകം വായിച്ചശേഷം, ഇപ്പോള്‍ പുസ്തകം വാങ്ങാന്‍ മാര്‍ഗ്ഗമില്ലാത്തതുകൊണ്ട്, വേറെ പുസ്തകം വല്ലതുമുണ്ടെങ്കില്‍ അയച്ചു കൊടുക്കാന്‍ മാത്രമേ മുസ്തഫ എഴുതിയുള്ളു. അരിവാങ്ങാന്‍ മുസ്തഫക്ക് പണമില്ല. മരുന്നു വാങ്ങാന്‍ മാര്‍ഗ്ഗമില്ല. ജീവിയ്ക്കാന്‍ ഒരു ഗതിയുമില്ല. അതൊന്നും മുസ്തഫ എഴുതിയില്ല. സത്യത്തില്‍ അതൊക്കെയാണ് മുസ്തഫയ്ക്കുള്ള യഥാര്‍ഥ ഇല്ലായ്മകള്‍. അരിയും മരുന്നും മാത്രമല്ല, തല ചായ്ക്കാന്‍ മണ്ണില്‍ സ്വന്തമായി ഒരിടവുമില്ലാത്തവനുമായിരുന്നു മുസ്തഫ.
മുസ്തഫയ്‌ക്കൊരു പുസ്തകമെന്നേ അന്നു കരുതിയിരുന്നുള്ളൂ.
പക്ഷേ, പുസത്കത്തില്‍ തുടങ്ങിയ കാര്യങ്ങള്‍ എത്ര പെട്ടെന്നാണ് വീട്ടിലേക്കെത്തിയത്. ആദ്യം നിരക്ഷരനും മുരളികയും മുസ്തഫയെ നേരിട്ട് കണ്ടു. പിന്നെ മൂന്നൂരാനും ഞാനും. പലരും മുസ്തഫയെ വിളിച്ച് സംസാരിച്ചു. പുസ്തകത്തിനൊപ്പം പലരും ധനസഹായവുമായി എത്തി. ബൂലോകകാരുണ്യം ആവശ്യപ്പെട്ടതനുസരിച്ചാണ് സുലൈഖയുടെയും എന്റെയും പേരില്‍ കാലിക്കറ്റ് കോ ഓപ്പറേറ്റീവ് അര്‍ബന്‍ ബാങ്കില്‍ ജോയിന്റ് അക്കൗണ്ട് എടുത്തത്.
ചെറിയ ചെറിയ സഹായങ്ങള്‍ വന്നു കൊണ്ടിരുന്നപ്പോള്‍, പിന്നെയത് വീടെന്ന സ്വപ്‌നത്തിലേക്കെത്തി.
ആരും ആവശ്യപ്പെട്ടിട്ടൊന്നുമായിരുന്നില്ല ബൂലോകവാസികള്‍ സാമ്പത്തികമായി സഹായിക്കാമെന്നേറ്റത്. വീടും സഥ്‌ലവും ഉണ്ടാവുമെന്നൊന്നും പ്രതീക്ഷിക്കാതെയാണ് ഞാനതുവരെ കാണുകയോ സംസാരിക്കുകയോ ചെയതിട്ടി്ല്ലാത്ത സുഹൃത്തുക്കളുടെ ഉത്സാഹത്തില്‍ മുസ്തഫയ്‌ക്കൊരു വീട് എന്ന സ്വപ്‌നത്തെക്കുറിച്ച് ചിന്തിക്കുന്നത്. എത്രപെട്ടെന്നായിരുന്നു പ്രതികരണങ്ങള്‍... പിറ്റേന്നുമുതല്‍ മുസ്തഫയുടെ വീടിനുവേണ്ടി തുടങ്ങിയ അക്കൗണ്ടിലേക്ക് ഡ്രാഫ്റ്റ് വരാന്‍ തുടങ്ങി. ഈ സ്വപ്‌നത്തിലേക്ക് എത്തിച്ചേരാനൊക്കുമോ എന്ന് പലപ്പോഴും പേടിച്ചു. മുസ്തഫക്ക് വെറുതേ വേണ്ടാത്ത സ്വപ്നം കൊടുക്കണോ എന്ന്. അതുകൊണ്ടു തന്നെ ഇടയ്ക്കിടക്ക് മുസ്തഫയെ വിളിച്ചു പറയും ഇത് വെറും ശ്രമമാണ്. പരമാവധി ശ്രമിച്ചു നോക്കാം എന്ന്.
മ അപ്പോഴൊക്കെ നിരക്ഷരനെന്ന മനോജ് രവീന്ദ്രനും മുന്നൂറാനെന്ന പി ടി മുഹമ്മദ് സാദിക്കും എനിക്കു ധൈര്യം തന്നു. അവര്‍ എനിക്കൊപ്പം എപ്പോഴും നിന്നു. നിര്‍ണ്ണായകമായ പല തീരുമാനമെടുക്കുന്നതിനും സഹായിക്കുന്നതിനും....
പുളിക്കലില്‍ ഇരിക്കുന്ന മുസ്തഫ പലപ്പോഴും കിടക്കപ്പുണ്ണുവന്ന് ആശുപത്രിയിലായിരുന്നു . ഞാന്‍ കോഴിക്കോട്ട്. ബൂലോകസുഹൃത്തുക്കള്‍ ലോകത്തിന്റെ പലകോണില്‍...
നമ്മുടെ ബ്ലോഗേഴ്‌സ് ഒററക്കും കൂട്ടായും സഹായിച്ചു. കൂടാതെ ഗള്‍ഫ്ില്‍ മാധ്യമത്തിലും മലയാളം ന്യൂസിലും കൊടുത്ത വാര്‍ത്ത കണ്ട് ഒരുപാടുപേര്‍ സഹായിച്ചു. വലുതും ചെറുതുമായ സഹായങ്ങള്‍. ഇങ്ങനെ കിട്ടിയതില്‍ നല്ലൊരു പങ്കും ഗള്‍ഫ് നാടുകളില്‍ നിന്നായിരുന്നു എന്ന് മാത്രമല്ല വളരെ കുറഞ്ഞ വേതനത്തിന് അവിടെ ജോലി ചെയ്യുന്ന നല്ലൊരു കൂട്ടം മലയാളികളാണ് വളരെ ചെറിയ ചെറിയ തുകകള്‍ സ്വരുക്കൂട്ടി അയച്ചുതരുന്നതില്‍ മുന്നില്‍ നിന്നത്.
മുസ്തഫക്കൊരു പുസ്തകം എന്ന പോസ്റ്റും മൂന്നൂരാന്‍ എഴുതിയ 'ബ്ലോഗെഴുത്ത് വെറുമെഴുത്തല്ല' എന്ന പോസ്റ്റും മാതൃഭൂമി ബ്ലോഗനയില്‍ വരുകയുണ്ടായി.
ബ്ലോഗനയില്‍ കണ്ടതുകൊണ്ടുമാത്രമാണ് ഹാരൂണ്‍ സാഹിബിനെ പരിചപ്പെടാനിടയായത്. മുസ്തഫ കിടപ്പിലായിരുന്നതുകൊണ്ട് കിടക്കപ്പുണ്ണുവന്ന് തിരിയാന്‍ പോലുമാകാത്ത അവസ്ഥയിലായിരുന്നു. കോഴിക്കോട് ഇഖ്‌റ ഹോസ്പിററലില്‍ ഓപ്പറേഷനും ചികിത്സക്കും വേണ്ടി ഒന്നരമാസത്തോളം മുസ്തഫ കിടന്നു. ഹാരൂണ്‍ സാഹിബിന്റെ സഹായത്തിലാണ് അതു സാധിച്ചത്.
മുസ്തഫയ്ക്ക് ഒരു സ്ഥലം കണ്ടുപിടിക്കുന്നതിനുവേണ്ടി പെയ്ന് & പാലിയേറ്റീവിനെ ഇടപെടുവിച്ചുകൊണ്ട് ജനകീയ സമിതി രൂപീകരിച്ചു. പെയ്ന് & പാലീയേറ്റീവിലെ അഷ്‌റഫ് സാറും അഫ്‌സലും ചേര്‍ന്ന് സ്ഥലം കണ്ടെത്തി. പുളിക്കലില്‍ തന്നെ...ദൂരത്തൊക്കെ വിലകുറച്ച് സ്ഥലം കിട്ടുമായിരുന്നു. പക്ഷേ, ദൂരത്തെവിടെയെങ്കിലും സ്ഥലം വാങ്ങിയിട്ട് വയ്യാത്ത മുസ്തഫയ്ക്ക് എന്തുചെയ്യാന്‍..പെയ്ന് & പാലീയേറ്റീവ് ക്ലിനിക്കിനടത്തു തന്നെ വേണമായിരുന്നു. വാഹനം ചെന്നെത്തുന്ന, കറണ്ടും വെള്ളവുമൊക്കെയുള്ള അഞ്ചേമുക്കാല്‍ സെന്റ് സ്ഥലം. വീടില്ല. തറയുണ്ട്. നമ്മുടെ ടാര്‍ജറ്റിനേക്കാള്‍ അപ്പുറത്തെത്തുന്ന വില. നാലേകാല്‍ ലക്ഷം രൂപ. അപ്പോഴും ബൂലോകര്‍ സഹായിക്കാനെത്തി. ചിലരുടേതൊക്കെ രണ്ടാമത്തെയോ മൂന്നാമത്തെയോ സഹായമായിരുന്നു.
. പല ബ്ലോഗുകളിലും, അമൃത ടി വി, കള്‍ച്ചറല്‍ & ബാങ്കിംഗ് സോളിഡാരിറ്റി മാസിക, കോഴിക്കോട് ജില്ലാസഹകരണബാങ്കിന്റെ അകത്തളം മാസിക,കോഴിക്കോട് ബാങ്ക്‌മെന്‍സ് ക്ലബ്ബ് ബുളളറ്റിന്‍ ,, സഹയാത്ര , നാട്ടുപച്ച, മാസികകളില്‍ മുസ്തഫയെക്കുറിച്ചു വന്നു. ( ഏതെങ്കിലും വിട്ടുപോയോ എന്തോ? ക്ഷമിക്കുക, ഓര്‍മിപ്പിക്കുക)
അമേരിക്കയിലെ FOMAA എന്ന സംഘടന വീടിനു സഹായിക്കാന്‍ തയ്യാറായി...ഫോമയിലെ അനിയന്‍ ജോര്‍ജ്, ജോണ്‍ ടൈറ്റസ്, റീനി മമ്പലം എന്നിവരെ പ്രത്യേകമോര്‍ക്കുന്നു. പബ്ലിക് റിലേഷന്‍ വകുപ്പിലെ രാജ്‌മോഹന്റെ സഹായത്തില്‍, പുളിക്കല്‍ പഞ്ചായത്തിന്റെ സഹായത്തില്‍..അങ്ങനെ അങ്ങനെ ചെറുതും വലുതുമായ ഒരുപാടൊരുപാടു സഹായങ്ങളിലൂടെ മുസ്തഫയുടെ വീടെന്ന സ്വപ്നം യാഥാര്‍ത്ഥ്യമായിരിക്കുന്നു. പെയ്ന് ക്ഷ പാലിയേററീവ് പ്രവര്‍ത്തകര്‍ തന്നെയായിരുന്നു വീടുപണിയുടെ മേല്‍നോട്ടം. പലപ്പോഴും മണല്‍ക്ഷാമവും പണിക്കാരുടെ ക്ഷാമവും കൊണ്ട് പണി നീണ്ടുപോയി...കാലതാമസം വന്നതൊന്നും ഒരു കാര്യമാണെന്നു തോന്നുന്നില്ല. അത് മനപ്പൂര്‍വ്വമായിരുന്നില്ല.
സാമ്പത്തികമായി സഹായിച്ചവര്‍, മാനസീകമായി പിന്തുണച്ചവര്‍ , പുസ്തകങ്ങള്‍ അയച്ചുകൊടുത്തവര്‍, ...അങ്ങനെ എത്രയെത്രപേരാണ്. പേരെടുത്തു പറയാത്തതില്‍ ക്ഷമിക്കുക. ചിലപ്പോള്‍ പേരുകള്‍ വിട്ടുപോയെന്നു വരും. (മുന്‍പോസ്റ്റ കമന്റുകളിലുണ്ട്) .
മിക്ക പത്രമാധ്യമങ്ങളിലും വന്നതുകൊണ്ട് അങ്ങനെയും സഹായമെത്തിയിട്ടുണ്ട്. പല സുഹൃത്തുക്കളും പരിചയക്കാരും സഹായിക്കാമെന്നു പറഞ്ഞിരുന്നു. നമ്മള്‍ ലക്ഷ്യത്തിലെത്തിയതുകൊണ്ട് അവരോടൊക്കെ പിന്നീടൊരവസരം തരാം എന്നു പറഞ്ഞിട്ടുണ്ട്.
വീടിനുവേണ്ടി തുടങ്ങിയ അക്കൗണ്ടിലേക്ക് ഇതുവരെ 543008 രുപ ലഭിച്ചിട്ടുണ്ട്‌. (FOMAA യുടെ ഒരുലക്ഷം ഉള്‍പ്പെടെ) ഇപ്പോഴും ചെറിയ തുകയുടെ ഡ്രാഫ്‌റ്റുകള്‍ കിട്ടാറുണ്ട്‌. ആരാണ്‌ അയയ്‌ക്കുന്നതാ എന്നറിയില്ല. ഇങ്ങനെ നമുക്കോ മുസ്‌തഫയ്‌ക്കോ അറിയാത്ത ചിലര്‍ അരിയും സാധനങ്ങളുമായി ചെന്നിട്ടുണ്ട്‌. ആ അജ്ഞാത സുഹൃത്തുക്കള്‍ക്ക്‌്‌ നന്ദി..
സ്ഥലത്തിന്‌ വേണ്ടിവന്ന 425000യ- രൂപയില്‍ 375000 രുപയാണ്‌ നമ്മള്‍ കൊടുത്തത്. 50000യ- സാദിക്കിന്റെ പരിചയത്തിലുള്ള ഒരാള്‍ പെയ്ന് & പാലിയേറ്റീവ്‌ ക്ലിനിക്കില്‍ നേരിട്ടേല്‌പിക്കുകയായിരുന്നു. പെയ്ന് & പാലിയേറ്റീവ്‌ യൂണിറ്റ്‌ കുടനിര്‍മ്മാണത്തിലും സോപ്പു നിര്‍മ്മാണത്തിലും മുസ്തഫയ്ക്ക് പരിശീലനം നല്‌കിയിരുന്നു. സോപ്പു നിര്‍മ്മാണത്തിനാവ്‌ശ്യമായ ഉപകരണങ്ങള്‍ വാങ്ങുന്നതിനു വേണ്ടി 15000 രൂപ നല്‌കിയിട്ടുണ്ട്‌. വീടു നിര്‍മ്മാണത്തിലേക്കായി FOMAA നല്കിയ പണമടക്കം 125000 രൂപ നല്കി. ( ഒരിക്കല്‍ ചെക്ക്‌ കളക്ഷന# ചാര്‍ജ്‌ 105 രൂപ) വീടുപണി കഴിഞ്ഞശേഷം അക്കൗണ്ടില്‍ ബാക്കിയുണ്ടായിരുന്ന 27903 /- രൂപയില്‍ 25000/- രൂപ സ്ഥിരനിക്ഷേപമിട്ടിട്ടുണ്ട്‌. FD Receipt 17 ന് മുസ്തഫയ്ക്ക് കൈമാറുന്നതാണ്‌.
എനിക്കറിഞ്ഞുകൂടാ...എങ്ങനെയാ, ആര്‍ക്കൊക്കെയാ നന്ദി പറയേണ്ടതെന്ന്..അതിന് ഏതു വാക്കാണ് വേണ്ടതെന്ന്...വാക്കിനുവേണ്ടി തപസ്സിരിക്കേണ്ടി വരുന്നു. ഭാഷയുടെ പരിമിതിയോര്‍ത്ത് ദുഖിക്കുന്നു.
ഇന്‍രര്‍നെറ്റുമായി ജീവിക്കുന്ന യുവത്വത്തിന് മനഷ്യത്വമോ കാരുണ്യമോ ഇല്ലെന്നാണ് പൊതുസമൂഹത്തിന്റെ കാഴ്ചപ്പാട്. അതുകേള്‍ക്കുമ്പോള്‍ വല്ലാതെ വിഷമം തോന്നാറുണ്ട്. അങ്ങനെ പറയുന്നവര്‍ക്കു മുന്നില്‍ ഇനിമുതല്‍ മുസ്തഫയുടെ വീടുണ്ട്. അതുപോലെ നമ്മുടെ കുഞ്ഞുകുഞ്ഞു സാഹായങ്ങളെത്തിയ പലതുമുണ്ട്.
മുസ്തഫയെപ്പോലെ അല്ലെങ്കില്‍ ഇതിലും വലിയ പ്രയാസത്തിലുള്ളവര്‍ വേറെയുമുണ്ടാവാം. പക്ഷേ നമ്മുടെ മുന്നില്‍ അപ്പോള്‍ മുസ്തഫയാണുണ്ടായിരുന്നത്. ...
ജാതിയോ മതമോ കൊടിയുടെ നിറമോ ഒന്നും നോക്കാതെ സഹജീവി എന്ന നിലയില്‍ മാത്രമായിരുന്നു നമ്മള്‍ മുസ്തഫയെ കണ്ടത്. ഈ രണ്ട് വര്‍ഷത്തെ ഇടപെടലുകളില്‍ നിന്ന് എനിക്കൊ രുപാട് പാഠങ്ങള്‍ കിട്ടിയിട്ട്. ഒരുപാട് നല്ല സുഹത്തുക്കളെ കിട്ടിയിട്ടുണ്ട്. ഇതൊക്കെ ഇതിനിയും നിലനില്ക്കണം എന്നാഗ്രഹമുണ്ട്. ഇനിയും നമുക്കിതുപോലെ കൊച്ചുകൊച്ചു കാര്യങ്ങള്‍ ഒരുമിച്ചു ചെയ്യാനുണ്ട്. അത് എന്തൊക്കെ, ഏതൊക്കെ പതുക്കെ എന്നാലോചിക്കാം.
ഈ 17 ന് പുളിക്കലില്‍ മുസ്തഫയുടെ വീട്ടിലേക്ക് എല്ലാവരെയും സന്തോഷത്തോടെ, അതിലേറെ അഭിമാനത്തോടെ സ്വാഗതം ചെയ്യുന്നു.
73 comments:
ഈ 17 ന് പുളിക്കലില്‍ മുസ്തഫയുടെ വീട്ടിലേക്ക് എല്ലാവരെയും സന്തോഷത്തോടെ, അതിലേറെ അഭിമാനത്തോടെ സ്വാഗതം ചെയ്യുന്നു.
മൈനയുടെ സാമൂഹ്യ സേവന ത്വര അഭിനന്ദനാര്‍ഹം തന്നെ.വൈകിയാണ് ഞാന്‍ ഇവിടെ എത്തിയത്.അതുകൊണ്ട് അറിയാന്‍ കഴിഞ്ഞില്ല.ഇനിയുള്ള സമയം ഞാനും ഉണ്ടാവും,ഒരു ചെറിയ കൈത്താങ്ങിന്.അണ്ണാര കണ്ണനും തന്നാലായത് എന്നത് പോലെ.
നന്ദി .. മൈനാ.. എല്ലം ചെയ്തതിന് ..
17ന് മുസ്തഫയുടെ വീട്ടിൽ പോകണമെന്നുണ്ട് മൈനാ. ആദ്യകാലത്ത് മുരളിയുമായി ഒന്ന് പോയതിന് ശേഷം പിന്നെ തിരിഞ്ഞ് നോക്കിയിട്ടില്ല. വല്ലപ്പോഴുമുള്ള ഫോൺ വിളികളിലും മുസ്തഫയുടെ ബ്ലോഗിലുള്ള കമന്റിലുമൊക്കെയായി കുറഞ്ഞു ഇടപെടലുകൾ :(
സഹായങ്ങളുമായി കൂടെ നിന്ന എല്ലാവർക്കും നന്മകൾ നേരുന്നു. നന്ദി.
മൈന ചേച്ചീ , നല്ല സന്തോഷങ്ങള്‍ . . .
ഇനിയുമിനിയും നമുക്കിതിനു കഴിയണം . . .
കുറേ ഇഷ്ടങ്ങളോടെ . . .
ഈ കാരുണ്യദ്വീപം തെളിയിച്ചതിന് മൈന മുസ്തഫയുടേയും,കുടുംബത്തിന്റേയും,നല്ലവരായ ബൂലോകരുടേയും മുന്നിൽ എന്നും ആദരിക്കപ്പെടും കേട്ടൊ
മൈനാ, അന്നല്ലേ തിരൂര്‍ തുഞ്ചന്‍ പറമ്പിലെ ബ്ലോഗ് മീറ്റ്?
എന്തായാലും സന്തോഷം തരുന്ന വാര്‍ത്ത തന്നെ!സഹായിച്ച എല്ലാ സുമനസ്സുകളേയും നന്ദിയോടെ ഓര്‍ത്ത്കൊണ്ട്..
അഭിമാനാര്‍ഹമായ പ്രവൃത്തി!
ആശംസകള്!
നന്മകൾ നേരുന്നു.ആശംസകള്
മുസ്തഫക്ക് നന്മകള്‍ നേരുന്നു..
അനുകരണീയവും,അഭിനന്ദനാർഹവുമായൊരു മാതൃക..ഇതിൽ സഹായിച്ച എല്ലാ ബൂലോകർക്കും അഭിനന്ദനങ്ങൾ !
നന്മകൾ നേരുന്നു..
ഇത്ര വേഗം ലക്‌ഷ്യം സാക്ഷാല്‍കരിച്ചതിനു മൈനയ്ക്കും നിരക്ഷരനും സാദിക്കിനും പിന്നെ സഹായിച്ച എല്ലാവര്ക്കും എന്റെ ആശംസകള് ഭാവുകങ്ങള്‍ നേരുന്നു.
വളരെ സന്തോഷം തോന്നുന്നു മൈന...
നാട്ടിൽ ഇല്ലാത്താതു കൊണ്ട് വരാൻ പറ്റില്ല...
ഈ പുണ്യപ്രവർത്തിക്ക് പിന്നിൽ പ്രവർത്തിച്ചവർക്ക് ആശംസകൾ നേരുന്നു
ലോകത്തിന്റെ കാരുണ്യത്തിന് ഇപ്പോഴൊരു മേല്‍ക്കൂര.
നാലു ചുമരുകള്‍. അതിനുള്ളില്‍
നിറഞ്ഞു കവിയുന്ന സന്തോഷത്തോടെ ചില മനുഷ്യര്‍.
ദൈവമേ, ഈ നന്മയുടെ മരം,
കാരുണ്യത്തിന്റെ ഇത്തിരിയിടങ്ങള്‍
ഇനിയും കാത്തുവെക്കണേ.
ഏറെ വൈകി ഭൂലോക വഴികളില്‍
എത്തിയൊരാളിന്റെ സന്തോഷം.
എല്ലാ സുമനസ്സുകള്‍ക്കും സ്തോത്രം.
ബ്ലോഗില്‍ കുറച്ചധികം കാലമായി സജീവമല്ലാതിരുന്നതിനാല്‍ ഈ സംരംഭത്തെ പറ്റി അറിയുന്നത്‌ ഇപ്പോഴാണ്‌. വൈകിയത്‌ വലിയ ഖേദമാകുന്നു. ഈ സംരംഭത്തിന്റെ Processing നടന്ന സമയത്തൊക്കെ ഞാന്‍ കോഴിക്കോട്ട് ഉണ്ടായിരുന്നു. ചന്ദ്രികയില്‍ അതേപ്പറ്റി എഴുതിയിരുന്നെങ്കില്‍ ആ വഴിക്കും സഹായം കിട്ടുമായിരുന്നു എന്നു തോന്നുന്നു. എന്തുകൊണ്ടോ അറിഞ്ഞില്ല.
ഇപ്പോ ഡെല്ലീലാണ്‌. എത്തിപ്പെടാന്‍ ഏറെ ദൂരം. എങ്കിലും ഏപ്രില്‍ 17-ന് വീക്കെന്‍ഡില്‍ ഒരു ഫീച്ചര്‍ ചെയ്യാമോ എന്നു നോക്കാം. വീടില്‍ അവസാനിക്കുന്നില്ലല്ലോ ഒരാളുടെ ജീവിതം. ആ വഴി സഹായങ്ങള്‍ കിട്ടിയാലോ...
മൈനയും നിരക്ഷരനും പി.ടി മുഹമ്മദ് സാദിക്കും ബൂലോഗത്തെ മറ്റു സുഹൃത്തുക്കളും ചേര്‍ന്നു നടത്തിയ ഈ വലിയ കാര്യത്തിന്‌ ഉള്ളില്‍ത്തട്ടിയ നന്ദി. സഹജീവിയുടെ വേദന മനസ്സിലാക്കുകയാണ്‌ മനുഷ്യനാവുക എന്നതിന്റെ അര്‍ത്ഥം. ഈ സംഭവവുമായി ബന്ധപ്പെട്ട മറ്റു Details ഉണ്ടെങ്കില്‍ എന്റെ മെയിലിലേക്ക്‌ അയക്കുമല്ലോ. ഒരു Item തയ്യാറാക്കാന്‍ ബന്ധപ്പെടാവുന്നത്‌ ആരെയാണ്‌, നമ്പര്‍ തരുമല്ലോ.
ilaveyil@gmail.com, 08802763793
സന്തോഷം
വളരെ അധികം സന്തോഷം തോന്നുന്ന ഒരു സന്ദര്‍ഭമാണിത് ബ്ലോഗ് വഴി ഒത്തുചേര്‍ന്ന സുഹൃത്തുക്കളുടെ ഏറ്റവും നല്ല പ്രവര്‍ത്തി, മൈന പരിചയപ്പെടുത്തിയ മുസ്തഫ ഏല്ലാവരുടേയും പ്രീയപ്പെട്ടവനായത് പെട്ടന്നാണ്. ഉള്ളില്‍ നന്മയുള്ള മനുഷ്യന്‍...കൊച്ചു കൊച്ചു സന്തോഷങ്ങള്‍ ഒരിക്കല്‍ ഞാന്‍ പങ്കുവച്ചിരുന്നു
http://maaanikyamisin.blogspot.com/2009/09/blog-post.html
പുതിയവീട്ടിലേയ്ക്ക് താമസം തുടങ്ങുന്ന മുസ്തഫക്കും കുടുംബത്തിനും സര്‍വ്വമംഗളങ്ങളും നേരുന്നു.
മൈനയെ എത്ര പ്രശംസിച്ചാലും മതിയാവില്ല, 'ഓ എനിക്ക് എന്ത് ചെയ്യാന്‍ കഴിയും' എന്ന് പറഞ്ഞോഴിയാതെ ലോകത്തിന്റെ എല്ലാകോണില്‍ നിന്നും മനുഷ്യരെ ഒരുമിച്ചുകൂട്ടി മുസ്തഫയ്ക്ക് ഒരു വീടെന്ന സ്വപ്നം സാക്ഷാല്കരിച്ചതിന് മൈനയ്ക്കും നിരക്ഷരനും മുരളികക്കും മൂന്നൂരാനും സഹായസഹകരണങ്ങള്‍ എത്തിച്ച എല്ലാവര്ക്കും അഭിനന്ദനങ്ങള്‍.
കൂടു കൂട്ടും മൈന
വീട് കെട്ടും മൈന
കൂട്ടുകൂടും മൈന
മൈനക്കും സഹായത്തിനായി ഒരുമിച്ചു കൂടിയ എല്ലാ സുമനസുകള്‍ക്കും അഭിനന്ദനങ്ങള്‍ ...!
ബൂലോകം കാരുണ്യത്തിന്റെ കൂടി ലോകമാണെന്ന് ബൂലോകര്‍ക്ക് അഭിമാനിക്കാം... ഇവിടെ എത്തിച്ചേര്‍ന്നിട്ടു അധിക കാലമായിട്ടില്ലാത്തതിനാല്‍ ഈ സംരംഭങ്ങള്‍ ഒന്നും അറിഞ്ഞിരുന്നില്ല....
മുസ്തഫക്കും കുടുംബത്തിനും ആശംസകള് ...!
മുസ്തഫക്കും കുടുംബത്തിനും എല്ലാവിധ നന്മകളും നേരുന്നു!
മൈനക്കും, നിരക്ഷരനും, പി ടി മുഹമ്മദ് സാദിഖിനും, കാരുണ്യകരങ്ങളുമായി മുന്നോട്ട് വന്ന എല്ലാബൂലോകര്‍ക്കും നന്ദി.
കുറെ നല്ലമനസുകളുടെ ഒത്തുചേരല്‍ , ഒരു ലക്ഷ്യത്തിന്റെ പൂര്‍ത്തീകരണം, മുസ്തഫയുടെ സ്വപ്നത്തിന്റെ സാക്ഷാത്കരണം, ഇതിന്റെയെല്ലാം പിന്നില്‍ അക്ഷരങ്ങളുടെ ശക്തിയാണെന്നുള്ളതില്‍ എനിക്ക് അഭിമാനമുണ്ട്. മൈനയുടെ ചന്ദനഗ്രാമം എന്ന ബുക്കില്‍ നിന്നായിരുന്നല്ലോ ഇതിന്റെയെല്ലാം തുടക്കം. അതുപിന്നെ ബൂലോകരുടെ യഞമായിത്തീരുകയും ചെയ്തല്ലോ.
ബൂലോകത്തിലെ കുറെ നല്ല ആള്‍ക്കാരെ പരിചയപ്പെടുവാന്‍ കഴിഞതില്‍ എനിക്കും ഈ ജീവകാരുണ്യ പ്രവര്‍ത്തനത്തിന്റെ ഭാഗമാകാന്‍ സാധിച്ചതില്‍ FOMAA ക്കും(Federation of Malayali Associations of America)സന്തോഷമേയുള്ളു.
മൈനക്കും, നിരക്ഷരനും സാദിഖിനും വീണ്ടും നന്ദി. നിങ്ങളുടെ ആവേശത്തില്‍ പല മുസ്തഫമാര്‍ക്കും സഹായ ഹസ്തങ്ങളുമായി ബൂലോകര്‍ വീണ്ടും മുന്നോട്ട് വരട്ടെ!
സന്തോഷകരമായ വാർത്ത. അഭിനന്ദനങ്ങൾ.
എല്ലാവർക്കും നല്ലത് വരട്ടെ.
എല്ലാ വിധ ആശീർവാദങ്ങളും നേരുന്നു.
അന്നേ ദിവസം തന്നെയാണ്‌ ബ്ളോഗ് മീറ്റും തുഞ്ചൻ പരമ്പിൽ വെച്ച്.
എല്ലാം ഭംഗിയായി നടക്കട്ടെ.
ഗ്രേറ്റ്‌ !!!!!!
ഈ പുണ്യപ്രവർത്തിക്ക് പിന്നിൽ പ്രവർത്തിച്ചവർക്ക് ആശംസകൾ നേരുന്നു
സന്തോഷകരമായ കാര്യം.
ഈ വിജയം നന്മയുടേതാണ്...ഉള്ളിലെ സ്നേഹത്തിന്റേതാണ്...
എല്ലാ നന്മകളും
മുസ്തഫയെ സഹായിച്ച എല്ലാ സുമനസ്സുകൾക്കും നന്ദി. ആശംസകൾ!
സ്നേഹാശംസകള്‍
ഒരുപാട് സന്തോഷം.നന്നായി.ബൂലോകത്ത് എത്താന്‍ വൈകിയ ഒരാളാണ്.
മൈന എഴുതുന്നത്‌ വായിക്കാറുണ്ട്.
ഒരു ബ്ലോഗ്ഗറെന്ന നിലയില്‍ മറ്റുള്ളവരെക്കുറിച്ച് അഭിമാനവും എന്നെക്കുറിച്ച് സഹതാപവും തോന്നിയ ആദ്യാനുഭവമാണു ഈ കുറിപ്പിന്റെ വായന എനിക്ക് സമ്മാനിച്ചത്..
ബ്ലോഗിലൂടെ മാത്രം കണ്ടു പരിചയമുള്ള പല സുഹൃത്തുക്കളും എത്രത്തോളം നന്മയുടെ നറുവെട്ടം ഉള്ളില്‍ സൂക്ഷിക്കുന്നവരാണു എന്ന് ഈ തുറന്നെഴുത്തിലൂടെ ഞാനറിയുന്നു..
എന്റെ പ്രിയ സുഹൃത്തുക്കളുടെ ആ സന്മനസ്സിനു അര്‍ഹിക്കുന്ന പ്രതിഫലം സര്‍‌വ്വ ശക്തന്‍ നല്‍കട്ടെ..
മനുഷ്യമനസ്സില്‍ കാരുണ്യത്തിന്റേയും കനിവിന്റേയും നീരുറവ വറ്റിയിട്ടില്ല എന്ന്
നമുക്ക് ഉറക്കെ പറയാനാവുന്ന ഈ ദൗത്യത്തിനു മുന്‍-കൈ എടുത്തവര്‍ക്കും ഇതില്‍ പങ്കാളികളായവര്‍ക്കും ആയിരമായിരം അഭിനന്ദനങ്ങള്‍ നേരാന്‍ ഈ സന്ദര്‍ഭം ഉപയോഗപ്പെടുത്തട്ടെ....!
(ഞാനീ സം‌രം‌ഭത്തെക്കുറിച്ച് മലയാളം ബ്ലോഗ്ഗേഴ്സ് ഗ്രൂപ്പില്‍ മൈനാ ഉമൈബാന്‍ പോസ്റ്റിയ ലിങ്ക്
വഴിയാണറിയുന്നത്..
സമീപകാലത്താണു ഞാന്‍ ബ്ലോഗ്ഗില്‍ സജീവമായത്..
അതുകൊണ്ടാവാം ഇതൊക്കെ അറിയാന്‍ വൈകിയതെന്ന് ഞാനാശ്വസിക്കുന്നു.)
പ്രാർത്ഥനകൾ.. ആശംസകൾ.
വളരെ വളരെ അഭിനന്ദനാര്‍ഹം ...ഇനിയും ബൂലോകത്ത് നിന്നും ഒരുപാട് കൈത്താങ്ങുകള്‍ ഉണ്ടാവട്ടെ എന്ന് നമുക്ക് ആശംസിക്കാം ഒപ്പം മുന്‍കൈ എടുക്കുന്ന നിങ്ങള്ക്ക് ഒരായിരം നന്ദിയും...
ഇങ്ങനെ ഒരു സംരംഭം ഉണ്ടായിരുന്നത് ഇപ്പോഴാണു അറിയാൻ കഴിഞ്ഞത്...
ഇതിൽ പങ്കാളിയാവാൻ കഴിയാതെ പോയതിൽ ദു:ഖമുണ്ട്...
എല്ലാ മനുഷ്യ സ്നേഹികൾക്കും ഇതിനു മേൽനോട്ടം വഹിച്ച മഹദ് വ്യക്തികൾക്കും അഭിനന്ദനങ്ങൾ....
മുസ്തഫക്കും കുടുംബത്തിനും എല്ലാവിധ നന്മകളും നേരുന്നു.
മൈനാജീ....
മുസ്തഫയ്ക്ക് വീടുണ്ടാക്കാന്‍ കൈത്താങ്ങായവര്‍ക്ക്
അതിനുവേണ്ടി ഏറെ പ്രയത്നിച്ച മൈനാജിക്ക്....
ഇനി എന്താണ് പറയേണ്ടത്?നിങ്ങള്‍ ഈ പോസ്റ്റില്‍ എഴുതിയ വരികള്‍ തന്നെ കടമെടുക്കട്ടെ-ഭാഷയുടെ പരിമിതിയോര്‍ത്ത്
ദു:ഖിക്കുന്നു
മുസ്തഫയുടെ വീടുകൂടലിന് എല്ലാ മംഗളങ്ങളും!
നന്മ നിറഞ്ഞ ഹൃദയങ്ങള്‍
എല്ലാ വിധ മംഗളങ്ങളും ...
എല്ലാ വിധ മംഗളങ്ങളും ...
ആശംസകള്..
ഇത്രയും നല്ല കാര്യത്തിന്റെ പിന്നില്‍ പ്രവര്‍ത്തിച്ച എല്ലാവര്ക്കും അഭിനന്ദനങ്ങള്‍
നന്മകൾ നേരുന്നു മൈനാ
മൈന,
ഞാന്‍ ഈ ബൂലോഗത്ത്‌ പുതിയ ആളാണു.ആഴ്ചകളുടെ പ്രായമേ ഉള്ളൂ. ഇത്തരം നല്ല കാര്യങ്ങള്‍ ഈ കൂട്ടായ്മയിലൂടെ നടക്കുന്നു എന്ന അറിവ്‌ ആവേശം പകരുന്നതാണു. എല്ലാ നന്‍മയും നേരുന്നു.
പടച്ചോനേ.. ഞാനിത് നേരത്തെ അറിന്ഞില്ലാലോ എന്ന അടക്കാനാവാത്ത സങ്കടമുണ്ട്. ആ വീട്ടിന്റെ ഓരോ കല്ലും സ്നേഹം കൊണ്ടാണ് ഉണ്ടാക്കിയത് എന്നു പറന്ഞാല്‍ അതിശയോക്തിയാവില്ല!
Now I know, why this world still exists....
മുസ്തഫയുടെ വീടെന്ന സ്വപ്നം യാഥാര്‍ത്ഥ്യമായത് നിങ്ങളോരോരുത്തരും കൂടെ നിന്നതുകൊണ്ടാണ്. ..ഷാനവാസ്, ഒരില വെറുതെ, ഷാഫി, മനോജ് വെങ്ങോല, നൗഷാദ്, സമീര്‍, സ്നേഹതീരം
അടുത്തകാലത്ത് ഇവിടെ വന്നവരാണെങ്കിലും നിങ്ങളുടെ വാക്കുകള്‍ നന്മയാണ്. സന്തോഷം തരുന്നു. സാമ്പത്തികമായി സഹായിക്കാന്‍ എല്ലാവര്‍ക്കുമായെന്നു വരില്ല. പക്ഷേ, മാനസിക പിന്തുണയും വളരെ പ്രധാനമാണ്..ഇവിടത്തെ വിജയം അങ്ങനെയെല്ലാംകൂടി ഉണ്ടായതാണ്. മുസ്തഫയുടെ വീട്ടിലേക്ക് എല്ലാവരെയും സ്‌നേഹത്തോടെ സന്തോഷത്തോടെ ക്ഷണിക്കുന്നു.
(മലപ്പുറം ജില്ലയില്‍ കൊണ്ടോട്ടിക്കും രാമനാട്ടുകരയ്ക്കും ഇടയില്‍ പുളിക്കലില്‍ ആണ് വീട്. പുളിക്കല്‍ പറവൂര്‍ ഗവ: എല്‍ പി സ്‌കൂളിന് സമീപം)
ഒത്തിരി ഒത്തിരി സന്തോഷം
നന്മകൾ നേരുന്നു.ആശംസകള്
നന്മകൾ നേരുന്നു.ആശംസകള്
നന്മ നിറഞ്ഞ ആശംസകള് ...
സഹായം നല്കിയ നല്ല മനസ്സുകള്‍ക് നന്മ വരട്ടെ എന്ന് പ്രാര്‍ത്ഥിക്കാം
ആശംസകള്
അഭിമാനം തോന്നുന്നു.
സഹായഹസ്തങ്ങള്‍ നീട്ടിയ എല്ലാവരോടും. ഒപ്പം മുസ്തഫക്കും കുടുംബത്തിനും ആശംസകളും
വരാനും..അറിയാനും വൈകി.
ഒന്നും ചെയ്യാന്‍ കഴിഞ്ഞില്ലാ ഖേദം.
പ്രവര്‍ത്തനങ്ങള്‍ക്ക് ഐക്യദാര്‍ഡ്യം.
മൈനയുടെ പ്രവര്‍ത്തി ശ്ലാഖനീയം.
അതിനു മാര്‍ഗദര്‍ശനം ഏകിയ നിരക്ഷരന്‍
ഉള്‍പെടുന്ന മഹത് വ്യക്തിത്വങ്ങളെയും...
സംരംഭത്തില്‍ സഹായിച്ച ബ്ലോഗേര്‍സ് നെയും
ഈ അവസരത്തില്‍ അഭിനന്ദിക്കുന്നു.
ആ വീട്ടിന്റെ ഓരോ കല്ലും സ്നേഹം കൊണ്ടാണ് ഉണ്ടാക്കിയത് എന്നു പറന്ഞാല്‍ അതിശയോക്തിയാവില്ല!
നന്ദി .. മൈനാ.. എല്ലം ചെയ്തതിന് .. സന്മനസ്സിനു അര്‍ഹിക്കുന്ന പ്രതിഫലം സര്‍‌വ്വ ശക്തന്‍ നല്‍കട്ടെ..ആശംസകൾ നേരുന്നു
Best Wishes
സന്തോഷം, ഇതിനു വേണ്ടി പ്രവർത്തിച്ച എല്ലാ നല്ല മനസ്സുകൾക്കും അഭിനന്ദനങ്ങൾ...
നന്മയുടെ ഈ പ്രവർത്തനം ഇനിയുവർക്കും പ്രചോദനം ഉണ്ടാക്കട്ടെ.ഇതിനു പിന്നിൽ പ്രവർത്തിച്ച എല്ലാവർക്കും ദൈവത്തിന്റെ അനുഗ്രഹം ഉണ്ടാകട്ടെ.
രണ്ട് മാസത്തിലേറെയായി,സമ്പൂര്‍ണ വിശ്രമത്തിലാണ്‍.അസൌകര്യങ്ങള്‍ മൂലം നെറ്റ് തുറക്കാറുമില്ല.
ഇന്ന് കാലത്ത്,മാതൃഭൂമി ബ്ളോഗന വായിച്ചപ്പോഴാണ്‍ മുസ്തഫയെ ഓര്‍ക്കുന്നത്.!
മൈന,വീട്കൂടല്‍ നേരത്തെ ഫോണിലൂടെ അറിയിച്ചിരുന്നത് ഞാനങ്ങ് മറന്നേപോയിരുന്നു.
മുസ്തഫയും കുടുംബവും ഐശ്വര്യത്തോടെ “സ്നേഹാലയ”ത്തില്‍ വാഴട്ടെ...
ആശംസകളോടെ,ഹാറൂണ്‍ക്ക.
ഇത് വായിച്ച് മനസ്സ് നിറഞ്ഞു. മൈന, നീരു, മുരളിക, മുന്നൂറാൻ, പിന്നെ എല്ലാ സുമനസ്സുകൾക്കും അഭിനന്ദനങ്ങൾ. മുസ്തഫയേയും കുടുംബത്തേയും ദൈവം അനുഗ്രഹിക്കട്ടേ.
ഈ വലിയ സംരംഭത്തിൽ ഒരു കുഞ്ഞുകൈത്താങ്ങേകാൻ എനിക്കും അവസരമൊരുക്കിത്തന്ന നീരുവിനോട് പ്രത്യേകം നന്ദി പറയുന്നു.
mathrubhumiyil vaayichu; ipol ivideyum. orupaadu abhinandanagal...iniyum ithu polulla karyangalakku njangalude sahakaranavum urappikkaam,
nandi...
Rasmi & Shamsu.
ദൈവം ഇതിനു തക്കതായ പ്രധിഫലം നല്കി ഓക്രഹിക്കട്ടെ !!!!!!!!!!!!!!!(ആമീന്‍ )
മൈനയുടെ സാമൂഹ്യ സേവന ത്വര അഭിനന്ദനാര്‍ഹം തന്നെ.വൈകിയാണ് ഞാന്‍ ഇവിടെ എത്തിയത്.അതുകൊണ്ട് അറിയാന്‍ കഴിഞ്ഞില്ല.ഇനിയുള്ള സമയം ഞാനും ഉണ്ടാവും,ഒരു ചെറിയ കൈത്താങ്ങിന്.അണ്ണാര കണ്ണനും തന്നാലായത് എന്നത് പോലെ.ഇതുപോലുള്ള എന്ത് ഉധേഷഗല്‍ ഉടെങ്കിലും അറിയിക്കുക .
ഈ നന്മ നിറഞ്ഞ മനസ്സിന്റെ ഉടമകള്‍ക്ക് എന്നും ദൈവത്തിന്റെ അനുഗ്രഹം ഉണ്ടാവട്ടെ..
മുസ്തഫയുടെ വീടിനെപ്പറ്റി ചന്ദ്രിക വാരാന്തപ്പതിപ്പില്‍ വന്ന ലേഖനം
http://nattuvazhiyil.blogspot.com/2011/04/blog-post_23.html
ഈ ജീവ കാരുണ്യത്തിന്റെ പിന്നില്‍ പ്രവര്‍ത്തിച്ച മൈനക്കും മറ്റു എല്ലാ സുമനസ്സുകൾക്കും അഭിനന്ദനങ്ങൾ. എല്ലാ ബ്ലോഗ്ഗര്മാരും നിങ്ങളുടെ ഈ കൂട്ടായ സുകൃതം കൊണ്ട് ഇന്ന് അഭിമാനം കൊള്ളുന്നു.കരുണാമയനാം ദൈവം നിങ്ങളെയും മുസ്തഫയെയും കുടുംബത്തെയും എല്ലാം അനുഗ്രഹിക്കട്ടെ.
ഇതിനു പിന്നിൽ പ്രവർത്തിച്ചവരെ ദൈവം അനുഗ്രഹിക്കട്ടെ...!
ജീവ കാരുണ്യ പ്രവര്‍ത്തനം ഏറ്റവും നല്ല പ്രവര്‍ത്തനം. മുന്‍കൈയെടുത്തവര്‍ക്കും പങ്കെടുത്തവര്‍ക്കും അര്‍ഹമായ പ്രതിഫലം ദൈവം തമ്പുരാന്‍ നല്കുമാരവട്ടെ.
സ്‌നേഹത്തോടെ
കുഞ്ഞി മുഹമ്മദ് കാരാത്തോട്.
ജീവ കാരുണ്യ പ്രവര്‍ത്തനം ഏറ്റവും നല്ല പ്രവര്‍ത്തനം. മുന്‍കൈയെടുത്തവര്‍ക്കും പങ്കെടുത്തവര്‍ക്കും അര്‍ഹമായ പ്രതിഫലം ദൈവം തമ്പുരാന്‍ നല്കുമാരവട്ടെ.
സ്‌നേഹത്തോടെ
കുഞ്ഞി മുഹമ്മദ് കാരാത്തോട്.
Mainakkum koottukarkkum nanni paayunnilla karanam main ezhuthyathu pole a vakku onnumakillathathu kondu thanne.... orupadu karunnya pravarthikal cheyyan SARVASHAKTHAN namme thunakkatte.....
thanks god and thanks all
സാമൂഹ്യ സേവന പ്രവര്‍ത്തനത്തിന് മഹത്തായ മാതൃകയായി ഞാനിതിനെ കാണുന്നു . അഭിനന്ദനങള്‍ ,,,,
മൈന
ഞാന്‍ ബ്ലോഗ് ഒന്നും എഴുതാറില്ല. കഴിഞ്ഞ ദിവസം ആണ് മാതൃഭുമിയില്‍ വന്ന മൈനയുടെ ഒരു ലേഖനം കണ്ടത്. വെറുതെ ഗൂഗിള്‍ ചെയ്തപ്പോള്‍ ആണ് മൈനയുടെ ബ്ലോഗ് കണ്ടത്. അതില്‍ മൈനയും മൈനയുടെ സുഹൃത്തുകളും മുസ്തഫയ്ക് ചെയ്തു കൊടുത്തത് വലിയ ഒരു കാര്യം ആണ്. ഇനിയും ഇങ്ങനെ ഉള്ള കാര്യങ്ങള്‍ ചെയാന്‍ കഴിയട്ടെ എന്ന് പ്രാര്‍ഥിക്കുന്നു. കൂടെ എന്നാല്‍ കഴിയുന്ന സഹായവും.
mina, ella nanmakalum nerunn. agrahamundu varum nalukalil ningalude sangathodoppam cheran. Once again all the best
Post a Comment